Google ADS

Pochettino, favorit për t’u bërë trajner i Bayernit

15:17 | 11 Nëntor 2019
Arditë Shkodra

Bayern Munichu po kërkon një trajner të ri, pas shkarkimit të Niko Kovacit pak ditë më parë.

Trajneri kroat u shkarkua pas rezultateve të dobëta në këtë sezon, sidomos nga humbja 5-1 ndaj Eintracht Frankfurtit.

Sipas Calciomercatos, Bavarezët po tentojnë që ta transferojë Mauricio Pochettinon nga Tottenham Hotspuri.

Trajneri argjentinas po ashtu nuk po kalon momente të mira te skuadra londineze, pasi duket se lojtarët janë kthyer kundër tij dhe po marrin rezultate të dobëta.

Mediumi italian më tej bën të ditur se largimi i Pochettinos mund të ndodhë në muajin dhjetor e që Bayerni është shumë i interesuar në transferimin e tij, transmeton telegrafi.

Arsene Wenger ishte po ashtu në listë, por skuadra gjermane bëri të ditur se nuk janë të interesuar për francezin.

Në listën e tyre janë edhe emra të tjerë si, Jose Mourinho dhe Massimiliano Allegri, por që argjentinasi po i prinë tani garës.

Shpërndaje në rrjete sociale

Lajmet më të lexuara

Të ngjashme

Foto lajm